الرئيسية
الدنيا يا جماعة بقت مليانة ناس غدارين وخاينين ومش الدنيا بس لا ده كمان ساعات اللى بنحبهم بيخونونا ودى كارثة طبعا بس انا عندى الحل محدش يقلق
سيبكم بقى م اللى يقوللكم المسامح كريم والكلام ده لالالالالالا ...
أمال دموعك اللى غرقت المخدة دى ملهاش تمن ؟؟
واصحابك اللى بيبصولك يا عينى بنظرة شفقة ويمصمصوا شفايفهم ويقولوا " لا حول ولا قوة الا بالله , الواد ولا البت اتقلبت "
تسوى ايه وقفتك ف البلكونة ف عز طوبة وانت قاعد تبص للقمر والنجوم وتفكر ف حبيبك اللى خانك وبعد عنك لحد ما جالك انفلونزا الطيور ؟؟
دعونا ننتقم .. العين بالعين والسن بالسن والقلب بالقلب
والبادى يا ويله يا سواد ليله
استعنا ع الشقا بالله
بعد ما تعرف ان حبيبتك بتسهر مع الواطى التانى لحد الساعة 2 الفجر وتراقبهم وتلاقيه كمان بيوصلها لحد باب عمارتها " شوف البجاحة والنبى "
هتعمل انت ايه بقى هتسبقهم ع العمارة ده بعد ما تتفق مع صاحبك انه يفضل واقف جنب سكينة الكهربا لحد ما تديله انت اشارة التنفيذ وتكون واقف ف الدور التانى
بعد ما حبيبتك تيجى وتبدأ تطلع ع السلم تدى اشارة لصاحبك ينزل سكينة الكهربا ف النور يقطع وتروح انت هابب ف وشها وانت لابس ماسك "screem "
وتقول بأعلى صوتك " عووووووووووووووووووو " هتروح هى طبعا مغمى عليها م الفزع تروح انت مطلع ورقة مكتوب عليها " سأعود هع هع هع هع "
واوعى تنسى تكتب ف الاخر هع هع هع دى هيكون لها تأثير مرعب ...
انتظرووووووووووووووووونا ف طريقة جديدة للانتقام
